Қызметтер

2017 жылғы шілденің 10-ында Наурызбай ауданының тұрғындарына алғашқы медициналық-санитарлық көмек көрсету мақсатында ШЖҚ «№36 қалалық емхана» КМК есігін айқара ашты. Емхана құрылысын «Туған жер» бағдарламасы аясында «Завод электрокабель» ЖШС серіктестігі жүргізген. Емхана құрылысының басталуы – 2016 жылдың қаңтары, аяқталуы – 2017 жылдың ақпаны.

Емхананың бас дәрігері Тілеген Гүлжайнат Өстемірқызының денсаулық сақтау жүйесінде 30 жылдан астам тәжірибесі бар, медицина ғылымдарының кандидаты (PhD), денсаулық сақтау менеджменті магистрі, мамандығы бойынша жоғары біліктілік санаты бар: анестезиолог- реаниматолог.

Бүгінде бұл емдеу мекемесін еуропалық стандарттарға сай, ең заманауи құрал-жабдықтары мен жоғары деңгейдегі мамандары бар емхана деп атауға әбден болады. Бекітілген тұрғындардың саны 60 мыңға жуық адамды құрайды, оның 25 мыңға жуығы балалар.

Барлық KPI көрсеткіштері жыл сайын жоғары тиімділік көрсеткіштеріне қол жеткізіп, №36 ҚЕ Алматы қаласы мен Қазақстан Республикасының алғашқы медициналық-санитарлық көмек көрсететін үздік үштікке кіретінін атап өткім келеді. Соның бірі «Денсаулық сақтау мақтанышы – 2021» бағдарламасының Қазақстан Республикасындағы Ұлттық бизнес рейтингінің қорытындысы бойынша «Бюджетпен есеп айырысудың өсуі» номинациясы бойынша Қазақстан Республикасының 85 мемлекеттік кәсіпорны арасында 1-орын.

Емханада медициналық қызметтердің кең спектрі көрсетіледі, жалпы тәжірибелік дәрігерлер бөлімдері, педиатриялық бөлімдер, әйелдер консультациясы бөлімдері, мамандандырылған көмек бөлімі, профилактика және психо-әлеуметтік көмек көрсету бөлімі, ересектер мен балаларды оңалту және емдеу бөлімдері, физиотерапия, клиникалық диагностика бөлімі, стационарды алмастыратын көмек көрсету бөлімі, Наурызбай ауданының жастар орталығы, КТ орталығының жеке модульдік ғимараты бар.

Сонымен қатар, №36 емхана Наурызбай ауданындағы аудандық медициналық бірлестік болып табылады.

Мамандандырылған мамандар 20 мамандық түрі бойынша көмек көрсетеді: кардиолог, уролог, балалар және ересектер невропатологы, балалар және ересектер офтальмологы, балалар және ересектер травматологы, балалар және ересектер хирургі, балалар және ересектер фтизиатры, балалар және ересектер отоларингологы, онколог, маммолог, гастроэнтеролог, аллерголог, эндокринолог, дерматолог, балалар және ересек инфекционисі, пульмонолог, логопед, тамыр хирургы.

Клиникалық-диагностикалық қызмет бөлімінде тұрғындарға білікті мамандар мамандандырылған медициналық көмек көрсетеді. Мұнда күн сайын функционалдық және аспаптық зерттеулер жүргізіледі, мысалы, электрокардиограмма (Холтер) мен қан қысымын күнделікті бақылау, мүше мен жүйелерді ультрадыбыстық зерттеу, жүректі ультрадыбыстық зерттеудің заманауи қауіпсіз әдісі, маммография, флюорография, ФГДС, мидың биоэлектрлік белсенділігін тіркеу арқылы оның функционалдық күйін зерттеуге арналған инвазивті емес әдіс – органдар мен жүйелердің электроэнцефалографиясы және рентгендік диагностикасы, жүгіру жолы сынағы. Бөлім құрамына сонымен қатар клиникалық, биохимиялық және жалпы клиникалық зерттеулер жүргізілетін клиникалық диагностикалық зертхана кіреді.

Алдын алу және әлеуметтік-психологиялық көмек көрсету бөлімінің мамандары тұрғындарға амбулаториялық жағдайда, үйде қызмет көрсетеді және бұл келесіні қамтиды: профилактикалық және скринингтік бағдарламаларды жүзеге асыру, салауатты өмір салтын қалыптастыру қызметімен сабақтастықты ұйымдастыру, Денсаулық мектептерінде қауіп факторлары бар адамдарды салауатты өмір салтын қалыптастыруға оқыту, психологиялық көмек көрсету және арнайы әлеуметтік қызметтер көрсету, мерзімді профилактикалық тексерулер және т.т.

№36 емхана Наурызбай ауданының оңалту орталығы болып табылады, мұнда медициналық оңалтудың 3-кезеңі жүргізіліп жатыр, күндізгі стационарда 20 төсек-орын бар.

Оңалту бөлімінде келесі қызметтер көрсетіледі:

• Кинезиотерапия белсенді, пассивті, жеке, топтық
• Белсенді және пассивті механотерапия (жүгіру жолы, скандинавиялық серуендеу, тренажерлар, жүру тренажері, модульдік баспалдақ, параллель қоршаулар, қабырға торлары, ілулі тіректер, қол мен аяқты пассивті дамытуға арналған аппараттар)
• Тыныс алу жаттығулары
• Эрготерапия
• Физиотерапия: УЖЖ, УДТ, СМТ, ДДТ, электрофорез, магнитотерапия, УКС, аэрозоль терапиясы, солюкс.
• Тұз шахтасы
• Массаждың барлық түрі
• Парафиндік терапия

«Салауатты жастар» жастар денсаулық орталығының жұмысы жолға қойылған. Жастар денсаулық орталығы (ЖДО) жасөспірімдер мен жастарға нақты медициналық, психологиялық және әлеуметтік көмек көрсететін қызмет болып табылады. «Салауатты жастар» ЖДО мамандары түрлі іс-шара, соның ішінде ашық есік күндерін, акцияларды, спорттық шараларды, конференция, семинарл, тренинг, дөңгелек үстел, пікірталас, волонтерлерді оқытуды және т.т. іске асырады.

 

 

«Салауатты жастар» ЖДО-да еріктілер клубы жұмыс істейді, оның құрамына Наурызбай ауданының мектеп оқушылары кіреді.

Клуб құру мақсаты – өскелең ұрпақтың бойында эмпатияны, ізгі ниетті, ізденімпаздықты, көшбасшылық қасиеттерді және көпшілдікті дамыту.

«Салауатты жастар» ЖДО-ның басқа ұйымдармен өзара әрекеттесуі:

• Наурызбай ауданындағы көпбалалы және аз қамтылған отбасыларға арналған «Бақытты отбасы» әлеуметтік орталығы
• Наурызбай ауданының әкімдігі
• «Қамқорлық» дағдарыс орталығы.

Сонымен қатар, 2021 жылдың желтоқсан айында емхана аумағында КТ орталығының модульдік ғимараты ашылды. Коронавирус пандемиясы жағдайында компьютерлік томографияға қажеттілік айтарлықтай артты, өйткені аспаптық диагностиканың бұл әдісі аурудың белгілерін анықтауға, сондай-ақ патологиялық процестің күші мен таралуын тексеруге арналған негізгі әдіс болып табылады. Мұндай жағдайда компьютерлік томография кабинетінің жоғары тиімділігін қамтамасыз ету маңызды. Мамандандырылған технологиялардың арқасында компьютерлік томография жоғары сапалы диагностикалық кескіндерді қамтамасыз етеді және пациентке сәулелену әсерін азайтады.

Емханада әрбір адамның қауіпсіздігі үшін медициналық қауіпсіздік кодтарын іске қосатын заманауи жүйе енгізілген. Емхана қызметкерлері, соның ішінде дәрігерлер, жағдайға сай әрекет ету бойынша ауқымды дайындықтан өтті және әрбір қауіпсіздік кодына тағайындалған қызметкерлердің тізімі бар, бұл оларға төтенше жағдайда тез және тиімді әрекет етуге, адам өмірін сақтап қалуға мүмкіндік береді. Кодтау жүйесінің басты артықшылықтарының бірі оқытылған қызметкерлер кез келген төтенше жағдайға пациенттер мен емханаға келушілерді алаңдатпай әрекет етуді біледі. Жүйе келесідей бағдарламаланған: төтенше жағдай кезінде әрбір қызметкер телефон немесе компьютерде сілтемені басу арқылы қай жерде болса да қауіпсіздік кодын белсендіру мүмкіндігіне ие, содан кейін ол қажетті деректерге байланысты енгізіледі. Жауапты тұлғалар келгенге дейін экранда код пен іс-қимыл жоспары пайда болады, код іске қосылғаннан кейін деректер автоматты түрде жауапты тұлғаға, топтың «WhatsApp» жұмыс чатына жіберіледі және емханада радио бөлмесі арқылы хабарланады.

Емханаға кіре берісте науқастың жағдайына қарай «қызыл», «сары», «жасыл» аймақтарға сұрыптау үшін «Триаж жүйесі» әрекет етеді.

№36 емханада мүмкіндігі шектеулі азаматтарға барлық жағдай жасалған:

• Емхана аумағында мүгедектерге арналған автотұрақ;
• Қозғалыс жолдарын теңестіру;
• Тактильді жолақтар;
• Емхананың тактильді схемасы;
• Көзі нашар көретіндерге арналған есіктерді таңбалау;
• Пандустар;
• Ақпараттық тақталар, лифт түймелеріне арналған тактильді жапсырмалар;
• «Көмекшіні» шақыру түймесі (мүгедек адамға көмектесуге қабілетті ұйым қызметкері);
• Мүгедектер арбасы 3 дана;
• Қажет жағдайда шақыру түймелері бар мүгедектерге арналған санитарлық-гигиеналық тораптарды (бөлмелерді) кешенді бейімдеу;
• Мүгедектерге арналған көтергіш 2 дана;
• «Сурдо–онлайн – қашықтан аудару платформасы».